على بركة الله نبدأ
س/ كام واحد مننا مات منه الجهاز بعد ما فلشه بفلاشه هو متأكد منها مليون في الميه (شاشة الموت-التاتش وقف-الشاشه مشتغلتش-وهكذا)
ج / كتير إن مكانش كلنا
س/ عملت ايه؟
ج/ نزلت الفلاشه الروسى او نزلت كل الفلاشات اللى على السبورت لغاية ما اتظبط تانى
س/ مكتبتش اسم الفلاشه اللى كانت عليه ليه الاول؟
ج/ نسيت أو انا متأكد من الفلاشه انا فلشت بيها 100
المشكله دى حصلت معايا في جهازs6802 (التاتش وقف بعد السوفت) اللى حنشرح عليه الحل إنشاء الله فاشتريته من الزبون ورميته في الدرج عشان اقطعه وبعدين حصلت من يومين معايا في تاب t211 الجهاز جاى تحديث اديته فلاشة السعوديه 4.4.2 وطبعاً كلنا مجربنها الجهاز يشتغل يجيب لوجو سامسونج وبعدين مفيش شاشه حاولت انا والاستاذ وائل من المركز المصرى للمحمول كان معايا على التليفون توصلنا في الاخر انه لازم نديله فلاشة بلاده عشان يشتغل طبيعى.
والحمد لله توصلت انى إزاى اعرف بلد المنشأ واديتله الفلاشه واشتغل الحمد لله وبعدين طبقت نفس الطريقه على s6802 وسبحان الله إشتغل تمام وجربتها على جهاز جراند 2 بتاع واحد زميلى برده كان جايب شاشة الموت واشتغل الحمد لله
كفايه كلام ونسيب الصور تتكلم
ال production line هو اللى حيعرفك خط إنتاج العده كان موجه لأى بلد فكل اللى انت حتعمله حتدور على فلاشة البلد دى وتفلش بيها الجهاز وبعون الله وفضله حيشتغل تانى بإذن الله طبعاً كلنا عارفين الموقع والتسجيل للخدمه دى مجانى وممكن من عن طريق حساب الفيس العيب الوحيد انك ممكن تشيك على جهازين بس كل 24 ساعه
